الكاروسري · المغرب
برنامج تسيير أتولييه الكاروسري
من حالة السيارة بالتصاور حتى للفاتورة، سيّر إصلاحات الكاروسري بلا أوراق: ديفي مفصّل، تتبع الخدمة وإثبات حالة السيارة.
الخلاصة
فأتولييه الكاروسري بالمغرب، الدوسي ديما كيدوز من نفس المراحل — استقبال السيارة، الديفي، الخبرة ديال شركة التأمين، الإصلاح، الخروج، الخلاص — وكل مرحلة كتخرج منها وثيقة. GarageFlow كيتبّع هاد المسار فدوسي وحد لكل سيارة: التطبيق ديال الموبايل كيخدم فالاستقبال (تصاور قبل، أثناء ومن بعد الإصلاح، حالة الداخل والأكسسوارات والميكانيك، مستوى الكاربوران، الكيلومتراج، الأماكن المتضررة، توقيع الكليان والكراج)، والمنصة ديال الويب كتخدم فحساب الطولري والصباغة والقطع والفورنيتير، فتتبع الخبرة وفالفوترة. حالة الدوسي كتمشي وحدها كيفما كتتصاوب الوثائق، وهاكا كتشوف بنظرة وحدة أشمن سيارات كيتسنّاو ديفي، ولا اتفاق الإكسبير، ولا قطعة، ولا خلاص. وفالخروج، بون الخروج، الفاتورة وأرشيف التصاور كيبقاو مربوطين بنفس الدوسي.
فالكاروسري، إثبات حالة السيارة فالدخول مهم بزاف — للكليان وليك. التصاور والديفي المفصّل كيتجنّبو المشاكل وكيسرّعو الموافقة على الإصلاح.
GarageFlow كيخليك تصوّر السيارة فالاستقبال، تحسب الخدمة بدقة وتتبّع كل إصلاح حتى للتسليم.
مصمّم للكاروسري
حالة السيارة بالتصاور
صوّر الأضرار فالاستقبال من التطبيق وحتفظ بإثبات مؤرّخ لحالة السيارة.
ديفي كاروسري مفصّل
حسب الطولري، الصباغة، القطع واليد العاملة سطر بسطر، مع TVA أوتوماتيك.
تتبع الإصلاحات
تبّع تقدّم كل سيارة والميكانيسيان المكلّف، من الدخول حتى للتسليم.
توقيع الكليان وبون الخروج
وقّع الكليان وصاوب بون خروج السيارة ديريكت فالمنصة.
استقبال السيارة: صاوب الإثبات قبل ما تقيس الطولا
فالكاروسري، النقاش الصعيب شبه ديما ماشي على الديفي: هو على شنو كان فالسيارة ملي وصلات. شي خربوشة فالجناح الآخر، شي جانط مقروط، شي أكسسوار ناقص — بلا أثر مؤرّخ، كيبقى كلام الكليان ضد كلامك.
- تصاور ديال السيارة، مرتّبين قبل، أثناء ومن بعد الإصلاح.
- الأماكن المتضررة متشيّكة على تصميم ديال السيارة، مع نوع التدخل المقرّر: صباغة، طولري وصباغة، تبديل، ولا إصلاح وصباغة.
- حالة الداخل، الأكسسوارات والميكانيك، منقّطة: مزيانة، متوسطة، خاصها تتبدّل، ولا ناقصة.
- الأكسسوارات الموجودة: الروضة ديال السبار، الكريك، التريونݣل، الطفاية، الطابي، السرورات، الراديو…
- مستوى الكاربوران، الكيلومتراج، واش السيارة كتمشي ولا لا، وواش تدار الإيسي فالطريق.
- توقيع الكليان وتوقيع الكراج، متاخدين على شاشة التيليفون.
حسب حسب الحرفة وكوموندي القطع بالثمن المزيان
كلشي كيتكتب من التطبيق ديال الموبايل، حدا السيارة، وكيخرج فمحضر الإصلاح مربوط بالدوسي. نهار اللي يطلع شي مشكل، الوثيقة راها كاينة من قبل — ما كاين ما تعاود تجمع.
من بعد، دوسي الكاروسري فيه ربعة ديال الحرف اللي ما كيتفاكترش بنفس الطريقة: الطولري، الصباغة، الميكانيك والإليكتريسيتي. حسابهم بوحدهم كيخليك تهضر مع الإكسبير سطر بسطر، وكيخليك من بعد تشوف فين الأتولييه كيربح المارج ديالو بالصح.
من جيهة القطع، المقارنة ديال الشراء كتحط ثمنات بزاف ديال الفورنيسورات حدا بعضياتهم لنفس الدوسي قبل ما تكوموندي، وبون الكوموند كيخرج ديريكت من الدوسي ديال السيارة. والميكانيسيان كيتسند للدوسي مع التخصص ديالو — طولري، صباغة، تحضير الصباغة، اللوستراج، ميكانيك، إليكتريسيتي — وساعات الحضور ديالو كتتبّع بالبوانتاج.
شنو كيتبدّل مقارنة مع الكارني والتصاور فWhatsApp
- التصاور ما بقاوش مشتّتين فالمحادثات: راهم مربوطين بالسيارة، مع التاريخ ديالهم.
- حالة الدوسي ما بقاتش كازة كتشيّكها: كتمشي وحدها كيفما كتتصاوب الوثائق.
- الديفي التكميلي ما بقاش كيتزاد بالستيلو على الديفي الأول: ولّى وثيقة بوحدها فنفس الدوسي.
- بون الخروج ما بقاش شي ورقة: كيتصاوب وكيتحفظ مع باقي الدوسي.
- الفاتورة ما بقاتش كتنكتب من جديد: كتاخد الحساب اللي تصادق عليه، بTVA وكلشي.
- السيارة اللي بقات واقفة مدة طويلة تقدر تاخد شهادة التوقف، مخرّجة من نفس الدوسي.
مراحل دوسي الكاروسري والوثيقة اللي كتخرج
| مرحلة الدوسي | شنو كيوقع فالأتولييه | الوثيقة اللي كتخرج |
|---|---|---|
| Att. Enregistrement — فانتظار التسجيل | السيارة وصلات وتحلّ الدوسي: الماتريكول، الموديل، الشركة ولا الكورتيي، تاريخ الحادثة | دوسي بنمرة |
| Att. Devis — فانتظار الديفي | الاستقبال من التطبيق: تصاور، حالة السيارة، الأكسسوارات، الكاربوران، الكيلومتراج، الأماكن المتضررة، التوقيعات | محضر الإصلاح (حالة السيارة) |
| Att. Réparation — فانتظار الإصلاح | الديفي كيتحسب سطر بسطر: طولري، صباغة، قطع (أوريجين، أدابتابل، أوكازيون)، فورنيتير | الديفي، وديفي تكميلي إلا كان |
| Att. Expertise — فانتظار الخبرة | الديفي كيمشي للإكسبير ديال الشركة؛ كل جولة كتتسجّل بالتاريخ، بالجواب (مصادق، معدّل، مرفوض) وبمبلغ الاتفاق | جولات الخبرة محفوظة فالدوسي |
| Att. Sortie — فانتظار الخروج | الخدمة سالات والسيارة كترجع للكليان | بون الخروج، وشهادة التوقف إلا تطلبات |
| Att. Paiement — فانتظار الخلاص | الفوترة: حصة الشركة، الفرانشيز والفيتيستي على الكليان، والخلاص كيتسجّل | الفاتورة، بون الكيس، وأفوار فحالة الإلغاء |
| Terminé — سالا | الدوسي تسدّ؛ التصاور، الوثائق والتوقيعات كيبقاو مربوطين بالسيارة | الأرشيف الكامل ديال الدوسي |
حالة الدوسي كتمشي أوتوماتيك كيفما كتتصاوب الوثائق — ما كاينش شي كازة كتشيّكها باليد.
أسئلة مكررة
- واش نقدر ناخد تصاور للسيارة فالاستقبال؟
- إيه. تطبيق GarageFlow كيخليك تصوّر السيارة وتسجّل حالتها فالدخول، مع التاريخ والوقت.
- واش البرنامج مناسب لأتولييه الكاروسري والصباغة؟
- إيه. كتحسب الطولري، الصباغة، القطع واليد العاملة، وكتتبّع كل إصلاح حتى للتسليم.
- واش الكليان يقدر يوقّع الاستلام؟
- إيه، توقيع الكليان كيتم ديريكت من التطبيق فوقت استقبال السيارة.
عصرن أتولييه الكاروسري ديالك
تصاور، ديفي، تتبع وفاتورات فأداة وحدة. جرّب GarageFlow.
طلب ديمو فWhatsApp